Tumhare Bina

“Tumhare Bina“

Jindagi se lada hun tumahre bina,
hashiye par pada hun tumhare bina,
Tum gayi chhod kar, jis jagah mod par,
main wahi par khada hun tumhare bina.

Kitni shohrat main khela hun tumhare bina,
Kitne tufaan zela hun tumhare bina,
Bheed main toh ghira hun magar sach kahu,
hun main bilkul akela tumhare bina.

Har gazal main dikha hun tumhare bina,
Geet main bhi likha hun tumhare bina,
Log kehte hai mehnga hun sabse magar,
kitna sashta bika hun tumhare bina.

Maine Jeevan gavaya tumhare bina,
Tumne kaise bitaaya tumhare bina,
Main mukkamal kisi ko mila hi nahi,
Mujko duniya ne paaya tumhare bina.

Ki Vish piya hu bhi kaise tumhare bina,
Dil siyunga bhi kaise tumhare bina,
Doli chadhte hue yeh bhi socha nahi,
main jiyunga bhi kaise tumhare bina.

Tumko hi gun gunaya tumhare bina,
Tumko jag ko sunaya tumhare bina,
Tum toh ji bhi liye gair ke sang magar,
Main toh mar bhi na paya tumhare bina.

Gum akele hi pala hai tumhare bina,
Khud pe daala hai tala tumhare bina,
Ek ladki jo tum se mili tak nahi,
Mujko ussne Shambhala hai tumhare bina.

Ki tumse pehle toh bigadi hui baat thi,
tere aane se khusiyon ki barsat hai,
Ab toh main carvan hun magar mere sang,
jab koi nahi tha to tum sath thi.

Main hun achha magar mujse achhi hai tu,
Ho gayi hai badi fir bhi bachi hai tu,
jooth se jagmagate bure daur main,
Tujko malum nahi kitni sachhi hai tu.

Ki khud ko sabke mutabik hi dhale hai tu,
Teen pagal diwane pale hai tu,
Main shambhale hu aangan ki Diwar-o-dar,
Mere angan ki kaliyan sambhale hai tu.